| 世界上有好多事，人都無得選擇，好多時候只能無奈地接受。但人仍然可以選擇，選擇點樣看待無可奈何。選擇自怨自艾、怨天尤人，抑或係活在當下、享受每刻，其實都係存於人一念之間。
社長慘，任務為佢帶來好多痛苦。但依個係佢自己嘅選擇，有得選擇就唔係最慘。
老總慘，不斷係錯嘅時間遇到啱嘅人。但係比起遇上錯嘅人，佢起碼最少經歷咗兩次遇到真愛嘅經歷。佢可以揀放低，亦可以揀繼續。
Doris慘，未婚夫同佢分手又告阿爸。但起碼佢曾經有過開心嘅回憶，而且有一段昇華咗嘅友誼。無人阻止佢活係過去嘅回憶，亦無人阻止佢重新開始。
觀眾慘，眼見好多角色這麼近那麼遠。但觀眾可以揀投入，亦可以揀抽離；可以揀「知住來等」，亦可以揀「失驚無神來受」。重要嘅係調整自己嘅心態。
人要識得為自己選擇，亦要識得為選擇負責。歸根究底，就係「三思而舉步，百折不回頭」。
轉貼幕後一員嘅一篇網誌。
愛…需要驗証才能更確切的存在 現代社會很自由開放
道德尺道也日漸寬鬆。
兩個單身男女假若是互相吸引，要走在一起幾乎沒難度...
然而，愛情沒難度，不經過考驗，有時你會懷疑它，究竟對你有多重要?
過來人常常苦口婆心的勸告我們要「珍惜眼前人」
打個電話她/他就會出現在你跟前，你伸手就能拖著對方的手，湊上前就可以吻...
你還知道...你究竟其實有多麼愛她嗎?
社長知道自己有多麼渴望殷賞...因為他幾乎無一刻不在想像能吻上殷賞的滋味...！
老總明白自己有多麼需要余家昇…因為她幾乎無一刻不在等著被家昇擁入懷的感覺…！
上天正在為這一雙醞釀著一段尋常男女沒福份享有的愛情...
他們是滿受祝福的！
幕後一員 2009年11月29日星期日 下午1:16
幕後一員blog http://inoffpedder.blogspot.com/2009/11/blog-post_29.html
經歷過極端嘅情緒，冷靜落來之後就好似就清醒返。究竟情緒係咪一個循環？我應該揀繼續放任、定係學習控制？
|
| |
| 俾電視劇牽動情緒嘅感覺好辛苦，尤其是當情節都係難過低潮嘅時候。
我係一個任性嘅人，任性到一直以來由得情緒影響自己嘅生活。我一直都覺得情緒有高低起伏好正常，所以一直以來都採取放任態度。但係而家發覺一路由得情緒控制我，真係好難受。
原本諗住放任自己直到大結局，但發現咁落去每日都會俾度日如年嘅情緒掌控，自己依兩個月就唔洗旨意用到啲咩出來。所以要控制返自己嘅情緒思想，努力做嘢，分散返自己嘅注意力。睇電視，開心就睇多啲，唔開心就話俾自己知所有嘢都係假嘅。
再一次發現就算係sit-com，只要認真，牽動人心嘅力量可以好強大。
忠實嘅觀眾比戲中任何一個角色都清楚事情背景來龍去脈，所以見到角色不斷錯過right timing，難過係必然，更多嘅係可惜。引用tvb.com畢打自己人討論區網友forget 的留言：
「真正的"戲假情真"應該是所有"失控中"的觀眾——
畢打是戲假，
觀眾卻情真，
投入之極，從網上所有討論便看到了，
實在要讚嘆，毛姐，大家都跟著您完全入戲了﹗﹗
(發表於 2009-12-12 0:56)」
http://forum.tvb.com/viewtopic.php?f=3&t=72338&start=50
|
| |
| 一個悲傷的消息，資深演員陳鴻烈猝逝。別矣，烈爺。 認識烈爺，是亞視劇集《少年英雄方世玉》中的白眉道人。白眉道人之奸，在於詭異，是讓人看見心寒那一種。我對於這樣的奸角是避之則吉，只希望他快快消失。 後來在無綫劇集《同事三分親》，烈爺飾演大老闆言英明。大言生人如其名，對局勢全盤掌握，但又不會有大老闆那種討厭的氣焰。完全沒法將大言生跟白眉道人掛鉤。 到了《珠光寶氣》的大老闆宋世萬又是一變。仍是大老闆，但宋世萬氣焰逼人，霸氣壓得人透不過氣來。到後來盛極而衰，又惹人憐憫。一盛一衰，角色卻沒有大言生半點影子。 最後的《畢打自己人》，閆器大閆生還是大老闆。但這個大老闆很非一般，看似吝嗇又有點糊塗，但重親情重道義，是一個很可愛的老人家。大閆生跟白眉道人相去何止千里，就是跟另外兩個大老闆大言生、宋世萬也完全不同。假如沒有看過他的前作，我敢肯定你會以為烈爺一開始就是這樣的人。 難以想像《畢打自己人》沒有大閆生，一個差不多每天晚上都會看到的角色。曾幾何時，想當然以為一個主要角色的終結只會在大結局；一天未到大結局，角色都會繼續出現在螢光幕上。卻忘了演員也會有自己的結局，當演員的結局比角色的結局更早來臨，角色只會變成遺憾。再一次提醒我們要珍惜眼前所有，生命中沒有甚麼是必然的。 演甚麼是甚麼，而且個個不同，這就是作為演員的最高境界。早在上述幾部劇集以前，烈爺無疑已進入殿堂級演員的行列。烈爺猝逝，是演藝界的損失；而在拍攝現場猝逝，更令人感到可嘆。對一位把自己奉獻給演戲的演員，最好的懷念方式，是記着他演過的角色，和記着演活角色背後的他。願安息。 |
| |
| 如果睇電視個時有畫無聲，只能夠想像同回憶啲演員點講對白，但係仍然覺得套劇好睇，咁就真係好好睇。 唔好問我《同事三分親》好睇啲定係《畢打自己人》好睇啲，因為我唔想答啲無答案嘅問題。 昌哥同Doris太好喇。一路睇住佢地，一路憑記憶回想佢地講對白嘅方式，係腦裡面自己配音，都睇到我眼濕濕。 睇完昌哥睇社長嘅反差真係好大。 明知係同一個演員，但係又會好清楚係兩個唔同嘅角色。 幾好嘅角色都需要演員賦予生命，但只有好演員先可以演好任何一個角色。所以我覺得黎耀祥非常成功咁完成到佢嘅工作。 係螢幕上，對好演員最大嘅獎勵可能係做到一個好角色；但係現實中，對好演員最大嘅鼓舞始終係實質嘅獎項。因此我衷心希望黎耀祥可以同鄧萃雯攜手得獎。 我幾時先會脫離sit-com嘅膚淺人生？﹗ |
| |
| 今天下午收到一通來自遠方的電話，心中感到一陣溫暖。 這樣熟悉的聲音在耳邊響起，剎那驚覺，雖然距離從沒有消失，但我們一直都活在同一片天空下，過去如是，現在如是。將來平衡線有沒有相交的一天，怕只有 神才知道。 對，只要待人真誠，餘下的就交給 神吧﹗ |
| |
